Eppuru, tanti voti pensu, e pensu
quann’era nicu appressu a li Misteri:
ricordu ancora ddu prufumu ntensu
chi nta la menti pari chi riseri!
Taliava tuttu e a tuttu dava un sensu,
nun c’era nenti, ntra li me’ pinseri,
chi mi purtava coccia di scumpensu…
palori e gesti li sintia sinceri!
Ed ora, nveci, dd’emozioni pari
nun essiri chiù chidda di na vota,
nun duna chiù ddu focu, ddi faiddi!
L’amuri c’è, ma nun abbasta a dari
arrè lu sbriu di dd’emozioni sciota,
la cercu allura nta li picciriddi!
Nino Barone ... See more